لاأله الا الله بسمه ندحم الشيطاني=قبل مابدي السالفة ذكر الاله ابدي به
العظيم المستعان المعطي المناني=من يسمي بسمه الله يرحمه ويثيبه
بعدها بشرح طرايف فكرتي والحاني=اسمع ايش قالت هجوسي بعد طول الغيبة
ياجماعة فيه رجالاً الى ماجاني=صك باب الحاجبين الله يقطع صيبه
كل ماحييت به همهم وهو زعلاني=والتفت فيني بوجه فيه شك وريبة
فزتي به مثل مافز لكبير أخواني= وأثر تقدير الضعيف من الرجال مصيبه
أكتشفت العام يوم رشح حكم ميداني=فشطب اسمي صاحبي من صفحة اللعيبه
والله ماعد نعرف الاصحاب من العدواني=افتكر كل الوحوش انها سباع منيبه
مادرى اني لاوردت اشرب بطول ايماني=احتمي الميقاف لاظن الردي بالخيبه
يعرف ان الخيل تذهل من صهيل حصاني=كل رجالاً نعرف اشهو رداه وطيبه
لاهضمت حقوق جار ولاقطعت العاني=ارفع البيرق على سرج الفرس وامشي به
مثل ماقال المثل دور لي وتلقاني=في الطريق المستقيم اللي الوفي يمشي به
اتعب لكسب العلا وتشلني جنحاني=القفار من الديار اصبحه وامسي به
سال عنا الذيب قطاع الفرج سرحاني=كم سريت بليل اسود ماالردي يسري به
ماقدر اخالف وصية شايب وصاني=اجحد اللي جاك واللي شفت لاتحكي به
من قريبين النوايا والشيم متغاني=بجتنبهم والليال ماتجيب تجيبه
من بعيدين العرب ولا القريب الداني= ادفن علوم الردي والطيب اذكر طيبه
تدعس اقدامي على الافعى بلا حذياني=وقتنا ايامه تشيب والليال مشيبه
اقتلب مثل اقتلاب الذيب من الكيناني=من كثر ماأشوف واسمع وأعرفه وادري به
يشهد بما اكنه بقلبي كلام لساني=المشاعر تحكي اللي ماحداً يدري به
ساسي وراسي وابوي وخالي وجداني=من عيال العود ماينسى الصحيب صحيبه
اتفاخر وافخر بترحيبة القحطاني=سلم ابوي وجدي اللي تثني الترحيبة
ان قلطنا مادخلنا الا مع البيباني=انشدوا روس قحطان وسال روس عتيبه
وان عطينا ماحسبنا الزود والنقصاني=انتجمل لافقد وجه البخيل الطيبه
من خلقنا الله نجزي الطيبة الاحساني=ديننا دين الوفي نصبح به ونمسي به
يافلان الحر فرخ الحر ماينهاني=موت عز ولاحياة بدون عز وهيبة
احتزم للمعركة والخيل في الميداني= والذليل اللي يذل الله يقطع صيبه
والله لولا الوجه الابيض والبناء والباني=لافضح المغرور بين الناس واكشف عيبه
كل يوم يظهر الكاذب بوجه ثاني=والعرب ماتجهل المخشوش وسط العيبة
والله لو أن جاه يافيصل مثل ماجاني=أن يشق الخبل بين الناس بيده جيبه
أشهد ان في الناس روس وفي العرب كرعاني=مثل ضلع طويق كيف تقارنه بشعيبه
احترس للراية البيضاء يابن قطناني=ديس بنت البارق اشرب رغوته وحليبه
اطلب الله في مناكب الارض بالغفراني=ذا الزمن ياصحابنا ضبعه ينافس ذيبه
علم اللي يشغلون الهاتف المجاني=يضحكون من الطرب و اسنانهم تركيبه
لاجهلت عن السفينة فانشد الرباني=باركنج بخط عمان اسمه التجنيبه
ربما يمحى كلام اليوم يوماً ثاني=تنقل الذكرى خبر رد الثناء وتجيبه
تشرق الشمس بسناها والشعاع يباني=والصراحة مكسباً ياحظ من يبدي به
جل ملك اللي يدوم وكل شي فاني=عالماً بالكون يعلم بالنمل ودبيبه
خذ نصيحة مسفر بن سعيد بن فرحاني=لاينوشك طلقة ترمي الهدف وتصيبه
والله دين الحق منه مانرد الشاني=دام نور سهيل لامنه بدا ابدي به
ليست هناك تعليقات:
إرسال تعليق