يابو سلطان شفنا وقتنا مابين غار ونار
سنين تختلف وامرارها تمحى عجايبها
من امهله الكبر ياصاحبي ماتمهله الاقدار
سوا انك تحارب الايام والا انك تصاحبها
انا ماني بحب اللي يحطون الصغار كبار
فدتك اللحية السفلى وتفدا ايدك شواربها
ابو وجهين حفار المقابر مثل حفر الفار
وقاره من تراب جنازة ركزت نصايبها
تراني يابن عايض ماخضعت لحكم الاستعمار
خضعت لطاعة اللي كل ماتبعد يقربها
يقرب ساعة الفرحة ويجعل في البروج انوار
ترافقني السعادة والليالي البيض افوز بها
مع اهل المعرفه والعز واهل الطيب والمقدار
حراراً حيث ماعدت تعشيها مخالبها
هل المعروف والعرفان حق مثل حق الجار
مكاسبها شعار السمعة العليا تعيشبها
ترى اللي مايجازي بالجميل أهل الجميل حمار
لما جات النوايب بين قاريها وكاتبها
يقوله شاعراً لو باروا كبار العرب مابار
من أم لبان غرب الشارقة حتى جبال ابها
اسل عني تحصلني رفيقً للرفيق البار
لما شكت مقاريد الخلايق في مذاهبها
احزم البلبة بالعزم واوطى بالقدم الاخطار
اوقت عقرب الساعه لما افترت عقاربها
عفيف ماخضعت الالرحمة ربي الغفار
كرامتي الغناة اللي مع الايام اعيش بها
ليست هناك تعليقات:
إرسال تعليق