ياهل نجد لاسافرت لجنيف ضاق البال
أبو ذيك الارض ولعنبوا من يعيش بها
ديار الخنى ماهيب للطيبين بفال
دياراً أهلها ماعرف ويش مذاهبها
قلال المزاء ماتفرق البنت من الرجال
تشابه لحاها وأتشابه شواربها
تقول وصف أشكالهم والقرود أشكال
صغار العيون الزرق شهباً حواجبها
ستردي كنه عندهم عيد الاستقلال
صحيفة نيوز أنشد قاريها وكاتبها
عسى الله مايجمعنا بأهلها قناة إرسال
وانا من الرجال اللي وفاها مكاسبها
رجال العقيدة والظفر واليدين جزال
هل القبلتين اللي المسيحي يجنبها
ديار الشعار الثوب الابيض وغترة شال
وساع البشوت اللي كبار مناصبها
عصا العز ستر وجيه اهلها وراس المال
وراء الجود والباري يحقق مطالبها
هل الطيب حنا ورث الاجيال من الاجيال
عيال الحرار اللي تدسم مخالبها
حنا اهل الجزيرة ندحم الضد لما عال
لماأفترت الساعة نوقت عقاربها
من البن الاشقر كيفنا صبة الفنجال
مزاج الرجال اللي تقف دون واجبها
علامنا بين أعلام الدول ثابتاً مامال
علم دولةً يرفع الآذان بمحاربها
دياراً يقام العدل فيها على الاطلال
وجودي على سج القدم في مناكبها
احب الديار الديرة اللي لنا مدهال
سقى الله مشارق ذيك الأرض ومغاربها
هواها النقي مثل الشفاء والشروب زلال
هوى بر قرى اللي زلال مشاربها
لاجاء الله ياعيد بضيفة مالها مكال
لاتشبع ترى الشبعة ماتحمد عواقبها
عن المسلم اللي كان عاما كريم أسبال
ديوس المنيحة كيف جفت محالبها
ليست هناك تعليقات:
إرسال تعليق