يالله يارب انك تحرر فلسطين
ندعوك وانت اوعدتنا الاستجابه
المسجد الاقصى خلي من المصلين
بيت الوجيه الخيره صك بابه
راحت مداخيله مداخل شياطين
واكثر كلام الله شطب من كتابه
تحظى ملايكة السماء بالرضيين
والجن واعداء الله ورسوله تشابه
اللي ذكره الله شفناه بالعين
في محكم التنزيل كلاً درابه
اقراء الحديث اللي ورد في الصحيحين
في نص احاديث النبي والصحابة
تالي الزمن ياكثر حذف المعادين
ماعاد في احداث الليالي غرابة
ياكثر ياما جاء للمجازر عناوين
اللي درس واللي جديد صوابه
نسمع بكاء الايتام ونشوف بالعين
عزي لحالي ياحياة الغلابة
صحيح ماتبغى الحقايق براهين
الصدق مثل النور كلاً سرابه
يامالك الدنيا ويامالك الدين
اجعل دير شارون بعده خرابه
الارض تفجر من تحتهم براكين
زلزل معالمها وهّد العصابه
تصبح صعيداً خالي كن له سنين
مامن الجبال الا مواقع هضابه
حنا هل الوقفات في العسر واللين
رجالنا لاقال قولاً وفا به
الخيل قرح والوعد في الميادين
لارحم ابو رجال ماله مهابه
ياأمه محمد لاتميل الموازين
قوموا على اعداء الله بعزم وصلابه
توحدوا واخذوا مع الصاع صاعين
انصاركم تفخر بكبر المهابه
تضامنوا قدام حذف المعادين
دون الوطن والدين ترخص الاصابه
ثم ابشروا بالنصر حيناً بعد حين
من ربنا اللي مايخيب الرجاء به
والشلة اللي تختفي في البلادين
ماهي بمنكم لاعنبوا هالذبابه
ويش هي تبي في ديارنا ارض الحرمين
وش جاب تخريب الوطن ويش جابه
ردت لنا كنها قفي السكاكين
النيث حده مايفارق جرابه
دون الوطن حنا جنود فدايين
نعمي عيون الحاقد اللي نوا به
ان شاء الله ان يبقى أمناً مطمئنين
بقيادته والعز يلبس ثيابه
اللي على الشعب السعودي وفيين
منا وحن منهم ربوع وقرابه
ليست هناك تعليقات:
إرسال تعليق