وقت المواقف يعرفون الرجاجيل
ولا السعة كلاً بها خوش رجال
حبل الرشا لاركب فوق المحاحيل
شفت الرجال صغار وقصار وطوال
لاجردت بيض السيوف المصاقيل
عرفوا هل الوقفات قدم أشهب اللال
لما أقبلت صلفات خيلً على خيل
فعل القروم يجفل الربع الانذال
أهل غرور النفس واهل الدهاويل
بالعز مابانوا على روس الاطلال
تكشفلنا ايام الدهر بارد الحيل
اللي بزري البشت واللبس يختال
تقصر عنه يازيد بيض الفناجيل
اللي يهين النفس ويقدس المال
من الزعفران وغالي البن والهيل
عده لمن بيته للاجواد مدهال
ليست هناك تعليقات:
إرسال تعليق