ياولد عبدالعزيز اللي يكرم ضيفه
في الزمان اللي يموت الذيب فيه بجوعه
ماحصل لي منك لارئيس ولاعريفه
والقصر يوم رحت له لشرهتي مقطوعه
صرت كني في دهور والديار مريفه
اجذب الماء من جبا عداً بعيداً قوعه
الرجل ماهي تقيمه العرب بالشيفه
المواقف تثبت الك اللي طويل بوعه
بالله ثم بك نجد تامن والديار مخيفه
سايداً فينا غلاك وكلمتك مسموعه
ياطويل العمر ماتقضي اللزوم الضيفه
لب جاهي وان غلطت فغلطتي مرجوعه
لاتصرفني ياميزان العدل تصريفه
وانت واسرار الزمان بضامري مجموعه
بّر فيك اللي يكبر في شتاه وصيفه
ودّلك باغلى الدعاء في سجدته وركوعه
ابوي يوم والدك في الاعداء يخضب سيفه
لم له روس الرجاجيل وعطوه البيعه
موقفاً يهجر براس الشاب مثل الليفة
يشهد الله ثم جراب اللي تشيب جموعه
يشهد الله ماوقفنا والقلوب صخيفه
الشجاعه والولاء بقلوبنا مطبوعه
بالمقبس في الدجى الغايم لنا تهديفه
من المناكب ومحجا الرجال ركزة كوعه
والخناجر والسيوف ان جات للتصنيفه
ضمراً يُضربها الرّجال بين ضلوعه
لين غنى الورق من عالي غصون الحيفه
النصر نّوّر سماه وشارته مرفوعه
قام شرع الله وقام لديننا تشريفه
وانتصف فيه اليتيم اللي تصب دموعه
من الشتاء والبرد يذرينا جبال منيفه
نعبد الله ونصلي والزكي مدفوعه
نحمد اللي حطنا كلاً يسير بكيفه
والثناء للي هدانا السنه المشروعه
ليست هناك تعليقات:
إرسال تعليق