هذة القصيدة فيها إشادة بمقام الشيخ/حناش بن أحمد العرجي العبيدي
_____________________________________________
يالله ياللي له علينا فضايل
ياللي عن امره تغرب الشمس وتعود
عفوك الاصكت علينا الحبايل
وزن العمل مابقي نقصاً ولازود
رحمتك تدفع شر يوم الهوايل
ولك الثناء والشكر ياخير معبود
بسماك يبدا هاجسي بالمثايل
طرايفاً اغلى من المسك والعود
اسوقها لموكدين الفعايل
يوم الليال الشهب والحمر والسود
فيها وفي حناش منها دلايل
حناش جار الله لاجاء العلم مردود
حناش شيال الحمول الثقايل
لا بركت لحمولها شمخ القود
له سطوة تخلف سطا كل عايل
بالصدق جاك العلم والعلم مردود
من لابتاً تروي حداد السلايل
لما احتما الميدان طارد ومطرود
قبيلة العرجان بين القبايل
تاريخها من ماضي الايام مشهود
روس الرجال اللي تحب الجمايل
فيها صفات الطيب ماهو بمعدود
من طيبها حناش يرقى الطوايل
يظهر على روس المراقيب ويسود
في سدها ينطح بروق ومخايل
جود الولد لاجاد من مركز الجود
شبلاً على جرت جدوده الاوايل
لوقابله في دربهم شوك وحيود
المدح ماحداً حصله بالسهايل
والمرجله يبغى لها صبر وجهود
لاصاب قلبك من زمانك ملايل
فاصبرعلى الايام والصبر محمود
اضرب فجوج البيد والعمر زايل
والرزق عند الله ماهوب محدود
بعدك عن ارض مولعين الفتايل
اخير من صاحاً يحملك منقود
اللي يحطون الشتايم وسايل
لاتربطك معهم مواثيق وعهود
احذر يغرونك ضعاف الحصايل
عبوة رصاص العيد ملحاً وبارود
حبل الردي للجود ماهوب طايل
حي وكنه من على الارض مفقود
ان حّي مازاد القبيلة نفايل
وان لحقته الاقدار مامنه منشود
ماني عن اليمنى الشحيحة بسايل
اتعوضني الاجواد في قليل الفود
كبي الردي ياناقضات الجدايل
شومي لمن حبله ورى العز ممدود
الطيب يبغى الطيب صبر وجمايل
والعرو يرغي لونس المتن مشدود
رد الثناء بين الرجال الاصايل
حقا وباب الحق ماهوب مسدود
ان كان في ذكر الحقايق عضايل
فالعيب ذكر الكذب والصدق موجود
والله ماسمع فيه قولاً وقايل
دام الهوى يذري على راسي النود
في مرتعاً توه من الوسم سايل
مابني بأركانه شبابيك وحدود
منابته تبري الكبود العلايل
قفراً مايوجد فيه كن جرت الذود
ليست هناك تعليقات:
إرسال تعليق