سلام للي تنثني في المواجيب
روس الرجال اللي رفيع نسبها
ترثة جميع سلالة العز والطيب
تغلب ويتعب ضدها ماغلبها
ربعي الا مسّت حبال المصاليب
من زودهم زودي وزودي عجبها
ميقافنا لما عوى الذيب للذيب
تشهد لها ارضاً بين نجران وابها
يوم البنادق والسلال المحاديب
يشهد ثرى الشعبة وتشهد عربها
اولاد زيد اللي تفك الدولايب
بمصقلاتً مايعالج سببها
مدحي لهم مافيه شكاً ولاريب
افعال ساس الجود ماحداً حجبها
كم أعطبوا بمضلعات اللواليب
امات تاج اللي سريع ندبها
راع الخطا يصبر على شقت الجيب
بالعز تكسبه العرب ماكسبها
والله مادامت تشرق الشمس وتغيب
ماكتبٌ صحيح ومن قراها كتبها
واليوم بالله ثم بحكم المعازيب
بريت بشرع الله الجرب من جربها
يرفع الآذان بعاليات المحاريب
على السنع كلاً ذلوله شعبها
فضلاً من اللي يعلم السر والغيب
طلنا العذوق اللي لذيذ رطبها
ولى الجهل مع يابسات المحاليب
ذيك السنين اللي كثير نشبها
اعداد مايكتب بّيض المكاتيب
على النبي صلوا وزيدوا في أدبها
ليست هناك تعليقات:
إرسال تعليق