انا يوم اتفكر وافتكر في سلسلة الاجيال
سمحت من الحياة وقلت يادنيا من انتي له
سنيناً تختلف وشهورها بايامها وليال
تدور مع الفلك وتزود المكيال والكيلة
عواملها تهد الجال وتقفي بروس رجال
ياحول الله كماً طيباً خليت مداهيله
لها بين المشارق والمغارب روحة واقبال
حبايلها على اللي تمهله ترصد محابيله
مايسلم من شقاءها والعنا الجماّل والجمال
تجي وتروح والزراع ماتضمن محاصيله
لايخذك الغرور يروح وقتك سجة وهبال
تذكرها لما قصر جداك وقلت الحيلة
كما قال المسولف من يعيل يحصل العيال
ومن لاتنفعه الأشوار مافاز بدهاويله
ماتدري الدهر بعدين يقصر كل راساً طال
شجاعة عنتر العبسي توالت وانتهى جيله
تعلمنا التجارب يازمان لكل وقت رجال
اقر علم ابرهه يوم هو غزا مكة على فيله
جزاء الاعمال عن كلاً اجوره من جزاء الاعمال
فدتك الواسطة والهرج تقصيره وتطويله
أوصيك بحديثاً لاسمعته يستريح البال
قبل حسرة نهاراً تسمع الموجز وتفصيله
أسر مثل الرجال اللي تعدا الربح راس المال
تراها ماتفوز الابتكبيرة وتهليلة
عسى ربي يعدينا بلا شمس بدون ظلال
يارباً احتسب لرضاه واحيي الليل اصلي له
يكلفني الأدب في نص ماقلته حكم وامثال
أعلي سمعته وادرى عليه الهضم والعيلة
مقابيس الليالي من الغريب الوانها وأشكال
تدوم بها السعادة والفرح وتعدل الميله
يكفيني من افكار الحكيم إجابة وسؤال
ابي نبت الوسم والصيف اعرفه من مخاييله
أسالك رحمتك ياربنا اللي للعقد حلال
رجائي برحمة اللي نرفع ايدينا وندعي له
ليست هناك تعليقات:
إرسال تعليق