أنا بادياً رجماً تعيباً على مرقاه
رفيعاً على الديرة مذبه يعنيني
لمني رقيته كل شياً تجي ذكراه
من الذكريات اللي لاجتني تبكيني
طرا لي رفيق ماعرفنا وش اللي جاه
أمره الزمان يمرني مايحاكيني
رفيق لاجات النايبة من الخلول ارفاه
لما مال افكه من حداد السكاكيني
ياحول اش به نسي الصلة هو بليس اغواه
قولو له ياهل نجد العذي لايعاديني
يكف الجميل اللي علي ساقتة يمناه
وقاري ثقة نفسي ولاابغاه يعطيني
قروشي وراء جيبي وقرشه وراء مخباه
سلامات ويش اللي حصل بينه وبيني
يطيب النظير اللي بكى ماحداً بكاه
فجاج الخلا يرضي رفيقي ويرضيني
خلاً في فضاة الذيب الاسحم يجر عواه
ولاصاحباً طيبه ياسيف متعديني
نرد الوفاء لاهله ومن باعنا بعناه
عن اهل الدروب العوج ربي مغانيني
الا ياعذولي كل عداً شربنا ماه
وساع النظر شفنا به الزين والشيني
خذيت وعطيت وكل جرحاً عرفت دواه
قرار العيون اللي نظرها يقديني
ترى ميزة الطيب يرى الناس وجه وجاه
يوم اللاش وده انها تميل الموازيني
على سالفة راع الدواء اللي دواه اعماه
لاجل قال بعمي الناس واجلى نظر عيني
دمره الغرور وشك واغتر في ممشاه
يحسب انه عنتر في الحلال القديمني
لولا الشكل مامن فرق راسه وراس الشاة
لاخّوف عداه ولايسر القريبيني
تسوقه الأدارة سوقة الثور في المنحاة
يسمونه اصحابه رحول الشياطيني
مريضاً اعوذ برب الأرباب من ماجاه
يارب الملأ من كل سوء تعافيني
قل اللي تقول وكل قصراً على مبناه
مدام ارض مكة قبلة للمصليني
تزول الجبال وراعي الطبع ماخلاه
لو الناس يعطونه قصور وملاييني
رجال المعرفه كل شخصاً تعرف أنواه
مثل مانعرف أسماء الصحف بالعناويني
تحصل كبيرين السوالف خدم ورعاه
سواة الدجاج اللي يفل الجناحيني
مافي اللاش فرقٍ بين شيبه وبين صباه
تشوم الطواري من الخبول المساكيني
شبية الردي مثله وللطيبين أشباه
يازين السوالف بين روس السلاطيني
يدور الحديث اللي لاجسّه الفقير اغناه
ذكر خالقي عن ذكر غيره يكفيني
ابوج الديار الخالية واحتمي بسماه
ذراء ربنا اللي اسماه تسعة وتسعيني
أسالة يثبتنا على طاعته ورضاه
يوم البعث نبعث في صفوف المصليني
ليست هناك تعليقات:
إرسال تعليق