ول ياقلب لاعذلته ماانـــــــــــــعذل
يرسل الغارات من روس جيش وروس خيل
النصيب يصيب في نمر ولافي ثعل
ماعلى الله عالم الكون شي مستحيل
الله يلعن والدي من يدور للفشل
لاتقابلنا يبان الشجيع من الذليل
اكره المنّه ولا الرجل يذكر مافعل
غير حدونا عليها مضيعة الجميل
اعشق الطيّب كما يعشق النمر الوحل
ماقفي يجبرني اذب في الرجم الطويل
والردي لما تهقويت به خيب الامل
القسى يعطيك وزن الخفيف من الثقيل
الوجوه اللي قبلها يجينا بالملل
حر مالي عدها لاكثير ولاقليل
ماحسبت حساب قيمة رضاها والزعل
للمعالي شد والقبر يملاه النثيل
شبحتي ترقأ يانايف على راس الجبل
الشفاء العالي خليلي وانا له خليل
اصعد القمة لما شفت ابن عمي نزل
ارتفع للعز واختار من الهرج الدليل
من الهروج الطامنه كن في سمعي ثقل
والله دين الشرع مالي على الفسلة سبيل
اصرف العملة جنيهات واكب الهلل
عملتي معروفة وكل رجلاً له عميل
مثل ماقال المثل كل رجلاً له محل
والنشاما يعرفون الكريم من البخيل
مايفيد الشور والعذل لاوقف الاجل
الله وكبر ماخلاف النزيل الالرحيل
اعرف وادريً مابعد الشديد الاالحلل
منزلاً كلاً يرى ويش قدم من حصيل
مثل ماقالوا العرب كل حمل وله جمل
للحمول جمالها لاتحط ولاتشيل
والنجوم البيض تبدي ويجتر الجمل
أشربي يالظامية من بعد مايبس الصميل
ليست هناك تعليقات:
إرسال تعليق