هذه القصيدة مرثية في الفقيد الراحل الشيخ/سعود بن جراب الحبابي تغمده الله بواسع رحمته واسكنه فسيح جناته
___________________________________
امس الضحى جاني نبأ كدر البال
جعله علّي يابو فهد مايعودي
علمٍ يبيّح بالخفاء وانفد الحال
هّل بخبر فرقاء عريب الجدودي
خبرني الحلاف وأهم ماقال
اعوضك في ابن جراب صبر محمودي
سعود قال سعود في غامض الحال
سبحان من منّه وصوبه نعودي
الدمع من عيني على وجنتي سال
سيل تسوقه مردفات الرعودي
غبر السنين أيامها الوان وأشكال
بيض الليالي بعدها أيام سودي
ياعاذلي عاين وتعرف بالاحوال
تكفى لاتنشد وش نقصي وزودي
وجدي على اللي للثقيلات شيال
بيني وبينه مظلمات للحودي
ذخر الرفيق اللي عليه الدهر مال
لّا شحت اليمنى القصيرة يجودي
لما أقبلو من ديرة الخوف هشال
عدٍ لذيذٍ ماه يسقي الورودي
من اللي يعدل ميلة القصر لامال
بيت المعزه طاح منه عمودي
ماكل رجالاً يعوض برجال
لاحميت البيداء بحر الحيودي
يارب تهدينا على خير الاعمال
لطاعتك ورضاك نسجد سجودي
ليست هناك تعليقات:
إرسال تعليق