خلق الطبيعة ماتغذى بمكياج
________________________________
الى طرى لي طارياً تالي الليل
سرى بي الهاجس وعبرت الأبيات
غديت أفكر في النجوم المراقيب
ترد الهموم أفواج وتصدر أفواج
همت برجاء بيض الليال المقابيل
بين الرجاء والياس ربح وخسارات
بطرد الأمل والناس ما تعلم الغيب
مادام لي في الحب مدخل ومخراج
أزريت من كثر التعب والبهاذيل
راحت مكاسيبي البكاء والتنهات
متى على الله يركد الرمي ويصيب
النور قدام الحجاجين ينباج
سود العيون اللي هدبها مظاليل
شبت على قلبي هموم وحسرات
ترمي مثل مايرمي الشره ويصيب
من ناعستاً جرحها مالها علاج
مصيونةً ما دنستها الأقاويل
ماجت صورها وأسمها في المجلات
شريفة تحمى شرفها من العيب
بدرية مثل البدر بين الأبراج
فيها الحياء والملح والزين تكميل
غندورة فيها من الحور شارات
تزهاء خدوداً مثل بيض المكاتيب
خلق الطبيعة ماتغذى بمكياج
لاشفت نشر ديارها والمداهيل
جريتّ من خافي المعاليق ونات
وجدي عليها وجد شالح على ذيب
شكوى الغريق اللي سقط بين الأمواج
من دونها حالوا هل الجيش والخيل
واهل المحبة بين الأحياء والأموات
والله مادامت تشرق الشمس وتغيب
ما ينمحي عرف المهادي وفراج
قطعت سلوك أخبارها والمراسيل
وأخبارنا لاعاد راحت ولاجات
وأذكارها بين الظلوع المحاديب
أصبحت منها ماقفي ماقف أحراج
حب الوفاء ماهوب حب المهابيل
هيهات ياللي تجهل الحب هيهات
لاتدخله من دون حكمة وتجريب
الصدق ما ينهج مع كل منهاج
ترا الهوى دربه طلوع وتحاويل
ياقف على بابه صديق وشمات
عاين لراسك بين روس المناصيب
والا طرقت الباب ماعاد يحتاج
خلاصة الموجز بعدها التفاصيل
والعز في سد الجبال المنيفات
حقاً علي من لازمات المواجيب
أرافق الكبتن على متن ميراج
وأنا أشهد أن الحب هم وغرابيل
هنيكم ياهل القلوب المصدات
غير التماني ماوراها مكاسيب
رجوى غريب من ورى ساحل العاج
ليست هناك تعليقات:
إرسال تعليق