يافيصل يقولون العرب من نشد ماضاع=علوم الدير وأسرارها عند أهاليها

حدود أرض ربي واسعة والفجوج وساع=وبيض النجوم يدلها اللي يراعيها

تجنب دّيار الوقت لاذكرلك مرباع=سوق الراحلة والروح في حكم باريها

دروب العدود الراسية في الثرى شراع=ورقش الثمادة بيناتاً مواريها

لاشكيت فارجع دمت تقدر على المرجاع=ياطيب العيون اللي نظرها يقديها

تجهز لعسرات النوايا بكمً باع=قصار الرشي ماطولت وجه راعيها

لاتحجب ظنونك بين كبد السماء والقاع=رجال السعد تفخر بتحقيق امانيها

ترى السيل يمشي في قفاء البارق اللماع=وداراً مطرها سحب ماسال واديها

صدق من يقول ان العبر والرجال انواع=تقاليد حاضرها يخالف لماضيها

هل المجمعة وسدير تحسب على الاصباع=يم الروؤس ترفع روسها فوق رجليها

راع الطّيبة لاسيمت الطيبةّ ماباع=مكاسيب بايعها نواميس شاريها

من اكتالها بالمد يكتالها بالصاع=فحول الرجال اللي تاخذها وتعطيها

تحوم الصقور الحايمة والذياب جواع=ثمان وراء عشر وعشاءها يقديها

حن احفاد ابو بكر وعمر للرسول اتباع=اوايل عربنا للمعالي توصيها