بيض الله وجه مهدي هادي الشناني
ماغفل قلبه عن اللي يفعلون أجداده
يحتسي للمرجلة لانسيها المتواني
لابتحل ولد الردي حتى بماه وزاده
سمعته قدام الاقصى من العرب والداني
مثل ضلع طويق وتعدي عليه زياده
ابن عماً لي على جنبي وشانه شاني
لاحتما الميقاف فينا الطيب طبع وعادة
المواقف تظهر الشجعان من الذلاني
مايقود القوم لارض الخوف غير القادة
والوعد ياصحابنا في ساحة الميداني
لين كلاً يرتوي من دلته وقناده
كان ماوصلت الآمالي فالعلا جنحاني
والله ماجّي ديرة النزال والشدادة
بالشهود الحق يثبت مايقول لساني
لا رفعنا العلم لأسياد العرب والسادة
لارجعنا للصحايف والبناء والباني
يامرير الله يخلي للفضاء رواده
والله ماطيع العرب في اللي تشوف أعياني
أمدح البيت الرفيع الله يديم عماده
الرفيق اللي لاهب الزمان أدفاني
والله أن أجيه في حر الدهر وأبراده
حكمة أفخر بها من شايباً وصاني
يافلان أخير من قرب الضعيف أبعاده
بلبة سود الليالي تذهل الغراني
واجبك شان الرفيق اللي تعد أمجاده
أسر مسرى الذيب قطاع الفرج سرحاني
وأجحد أمرك لايبان السر للنقادة
سر والأرواح أجلها في دبرة الرحماني
أسر مسرى الذيب ماهو يهتني برقادة
ماجزاء الأحسان بين الناس كن الاحساني
بالثناء الرجال يعطى واجبه وشداده
التقدم في طريق الخير حق أنساني
والمخالف ياعباد الله يحق جهاده
الرفيق القرم يذكرني ولاينساني
لو بعيداً من العيون قريباً بفواده
أطلب الله في فجوج البيد بالغفراني
الصدوق البار يمحى ذنبه أستشهاده
دمت اراى وأسير وأسمع واهرج بلساني
مانسيت من الوفي ومشاركات اعياده
كود ينسى الجود من ترحيبة القحطاني
مثل هرج العود الاول يهرجون احفاده
الجزالة وهبةً فيني وفي جداني
سال لين يزول من الراس العنيد عناده
ماسكاً سيفي بكفي وأقدح الصواني
لابرد بالولعة البارد قدحت زنادة
وأن شرينا ماحسبنا الزود والنقصاني
نكتسي يوم الردي يرقد بدون وساده
نحمد الله من شخيب وفزعته متغاني
ومن حميد ومن حمود ومن دوادي غاده
مثل ماقال المثل ماتقضي الدياني
لاتنادينا وكلاً التفت لجواده
كيف أميز مذهب السوري من اللبناني
لويضيع الحق الابيض ماتضيع اسناده
كان فات العلم الاول لايفوت الثاني
الله وكبر ماطيب الرجال بين اولاده
الله انه ينصر المسلم على النصراني
السعد برقه يلوح ومردفاً رعاده
جل ملك اللي يدوم كل شيءً فاني
لادنت الارواح مثل الزرع للحصاده
المجيب المستعان المعطي المناني
ماسجدنا الا لوجهه والسجود عباده
الله اللي رافعاً عرشه بلا عمداني
باسطاً بحره وبره والجبال اوتاده
قالها اللي لا لقى العطشان والجيعاني
ماشرب من ماء البخيل ولاكلا من زاده
دمت ارى واسمع واشوف ايش بعد شبح أعياني
ماوردت الرس ماءً ما يسقي الوراده
ليست هناك تعليقات:
إرسال تعليق