بسم الله الرحمن الرحيم
هذة القصيدة الرائعة المليئة بالتجارب والأمثال
في كل بيت من أبياتها تتمثل لنا تجربة صادقة تحكيها وتنسجها لنا أحاسيس الشاعرالكبير/مسفر بن سعيد بن فرحان الحبابي القحطاني
__________________________________________________
دفعت في اللكزس ثلاثمية وسبعين ألف كاش***
حسب هوائي ورغبتي والفضل للواحد الأحد
أن عشت ياراسي بأمان وعزة ولابلاش***
مالي ومال القابض اللي عيشته كيد ونكد
لوني في بنك الراجحي مالي رصيد ولامعاش***
عندي قناعة كني أملك مال ماأحصي له عدد
الله وكبر كم وطت رجلي على الحزم الرقاش***
أمشي واحث خطاي وأدرهم على الحزم الجلد
على الطريق المستقيم الصلب أخير من الهشّاش***
نمشي وعلم أرواحنا في حكم حلال العقد
كفوفنا تثني العطاء ولباسنا بثياب شاش***
أسال ويأتيك الخبر في السبت و لا في الأحد
العلم أخير من الجهل والقصر أخير من العشاش***
محلى الفروض أن ختمت قل هو احد والله الصمد
ياأهل الديار اللي تجازون النصيحة بالهواش***
من خلقت الدنيا وخلق الكون والله ينعبد
خذها وعطها ياسمير الشافعي فوق الفراش***
وأفطن لذي وأفطن لذي والثالثة واللي بعد
ماضيك ماشياً مضى واللي مضالك مابقاش***
مافاز طيراً بالعشاء مافاز بايام الهدد
ماينفعك وقت الشدايد كف لاش ولد لاش***
كما يقال الصفر جنب الصفر مايحسب عدد
الطيب يظهر صاحبه في الضيق من الدرب الهلاش***
الله الكريم يبشر أكرام الخلايق بالسعد
ويش الفوايد من هريماً لارخال ولاكباش***
مثل الحمارة درها للبنت ولا للولد
محصولها لعيالها في الفاو ولافي خباش***
مذخورها لبطونها من دون احد من غير احد
ياللي تعرشون العظام البيض مافيها عراش***
من خلقت الدنيا لهذا اليوم ليوم الأبد
ياللي تحكون الجلود الجرب من حمر البشاش***
أشكالكم مثل القرود الشهب دراس وجدد
ياصحابنا طب الهنود السود مايجلى العماش***
وقراية الكهان والعراف ماتشفي الجسد
من خلقت الدنيا وعج الصيف مامنه رشاش***
واللي بسط سبعاً وجبر سبعاً طباقا بلاعمد
أهل النظر تعرف سراب القيظ مايسقي العطاش ***
وأهل البلد ياصاح ماتجهلهم اخبار البلد
بيض الحقايق يارجال العرف ماتبغى نقاش***
مثل النصوب المردفات اللي لها برق ورعد
ليست هناك تعليقات:
إرسال تعليق