إجمالي مرات مشاهدة الصفحة

السبت، 28 نوفمبر 2009

ياشيخ لاتجهلون عن المفاهيم
الصبح بالشمس والليل بنجومه

الكذب سلعة مصرفة الطلاسيم
والصدق لاهل الوفاء ربع وعمومه

الكذب سيله ماسال مع المرازيم
ينحاش والصدق ماتمحى وسومه

الوضح هو الوانها الوان المجاهيم؟
والدبدبة هي مثل هضبة تنومه؟

اكبودكم يارفاقتنا مواريم
لوما اختصمتوا تخلقون الخصومه

اوجيهكم من حذف بقعاء عجاريم
وايدينكم من صخا الجود محرومه

هزلين الافكار لوانكم مناعيم
شريحة ازوال في الناس معدومه

يعوضني في ولاكم شرد الريم
في العامريه ورى حد الحكومه

بأشد وارحل عن ارض الجرب والهيم
علمي ليا قدم الطرقي علومه

في منجماً في خلاه اسج واهيم
تكفيني ارياء الخشونه والنعومه

من حيث ينشي السحاب ويردف الغيم
ابني شراع السعد واعمل عزومه

اخير من البني تنقض المراسيم
والراس مرفوع وارض الله غنومه

طبع لي اشوم لاحفّيت الاناسيم
والحّر له في الفضاء عومه وحومه

اعوام واحكام والدنيا مقاسيم
والشره يبصم على اقواله بهومه

حياتنا بحث والدنيا تعاليم
وخليف لي فاد مافاد الغنومه

لاعاش من ياخذ الدنيا تواهيم
برد الشتاء عكسه الصيف وسمومه

ايش علمكم ياهل البلقاء مفاعيم
هو طبع ولاتحبون الفعومه؟

في العين ماكبروا دقاق الخراطيم
البان لو طال ماكبرت جرومه

احن آل فايع مدلهة المفاطيم
شعارنا العدل وانفسنا رحومه

ياربعنا اهل العزومه والمعازيم
اللايم اللي يلوم الله يلومه

من هاجس يبتدي بالغين والجيم
دعواتكم تازن البدر وقدومه

قولوا لي الله يحما جسمك من الضيم
والله يمنع لسانك من العجومه

والختم عدة دخول الوقت والتيم
صلوا عالمصطفى ياحفاد قومه

ليست هناك تعليقات:

إرسال تعليق