وجودي على المجمول يامسفر بن سعيد
وجود الفتى اللي لابعيراً ولاناقة
علشانها في أيدي كلبشة ورجلي قيد
سواة السجين اللي صبر لأمر خلاقة
سجين العيون الناعسة والبهاء والجيد
لها القلب ولهان ولها العين مشتاقة
أنا من سببها يمكن أموت بالتأكيد
وأنا بشهد أن أكبر من الغالي فراقة
عليها أتوجد واحجب ونتي وأ عيد
ونين الصويب اللي كسر من عظم ساقة
مضاريب تغلب ضربة ذياب لابو زيد
مضارب سيوف بين الأضلاع فتاقة
هواها جعلني بين روس الرجال وحيد
سواة الفتى اللي خيلوا فيه عشاقة
يسج القدم في شف أهل قاطعات البيد
ملأ لابني عمه ولاهم من أرفاقه
فقيراً من الحاجة يعد الدهر و يزيد
طوال الدهر ماحط فخذه على ساقه
لما أنه تحنج قيل له عض جنب الحيد
رمته القدر في ايدين قطاعة الساقة
على السمع والطاعة مايقدر يقول جحيد
لقول المثل رأس دنا منه حلاقه
الرد.......
جزاك الثناء يامنزلاً سورة التوحيد
كلام اللسان يفسر القلب واعماقه
على طاعتك ورضاك نرمي الهدف ونصيد
مع النخبة اللي للمواجيب سباقه
وساع النوايا شبرها والشبوح بعيد
حرارً تغدى وتتعشى على فاقة
راع الفيد كفة لاتغارب علية الفيد
سريع الغنايم عايق الوقت ماعاقه
أهل تونس الخضراء تصلي صلاة العيد
مع الباب قبّل لاتوايق مع الطاقة
صلاتك مع صف الجماعة لامت شهيد
ولامرتعاً تنويه ماشفت براقه
طع معلم التفسير ومعلم التجويد
يد الباس ماتذبح من الله نوى إعتاقه
تقد الدروب الواضحة لاتصير بليد
عن الراية الخضراء فوق الراس خفاقة
نحور الليالي سايدة والنفوس تبيد
عطى الله الكريم الناس ماتقطع أرزاقه
يازين الوفاء عند ابن هدلان وابن حميد
تقافا مع الايام عهده وميثاقه
وذا الحين مانعرف ولايف عبد وعبيد
حراج ابن قاسم كل قدراً له طباقه
ماعاد نعرف ماهر وشاكر وجاد السيد
على قولة أختر بين شنطة وعلاقة
يارب أسالك من خير منت تعلم وتريد
عراي استره ياساتر العود بأوراقه
ليست هناك تعليقات:
إرسال تعليق