يازين فرحتوا علينا الشماميت
غديت ورضيت بتدهور بنانا
أنهد ساس البيت من يبني البيت
يامن يبشر بالقطيعة عدانا
قاموا عدانا يرفعون الأصاويت
من حين سمعوا بالخبر من قدانا
لو قلت لي وش جبت ويش انت وديت
بين الرفاقة ماتشقر عصانا
أشطفت يوم ترمي على غير توقيت
وأنت تعرف عنا لادارت رحانا
لو أخذت من مراجع العرف وأعطيت
يمديك تحكم في خطاك وخطانا
ياكم على قربك وشوفك تمنيت
شكواي لله مانفعنا منانا
ليتك تعاتبني وأعاتبك ياليت
يارب يارحمن تسمع دعانا
ياحول هالدنيا إجتماعاً وتشتيت
سود الليال الهيم تبحث خفانا
باسم الإله مكون الكون سميت
يشفي ملا يلنا ويجبر عزانا
أبطلب الله في صلاتي لاصليت
يرفع مكانتنا ويهزم عدانا
يالله ياللي تحيي الارواح وتميت
ياباسط البيداء ياجابر سمانا
يازين دنيانا إجتماعاً وتشتيت
قدامنا ناسً وناس ورانا
ليست هناك تعليقات:
إرسال تعليق