بسم الله الرحمن الرحيم))
___________________________________
ضاع الوفاء عند أبيض العين وخزام
زاد الجفاء من دون ذنب وجريمة
من عاش ماحاش المديحة من العام
يشيب ماله في المعالي عزيمة
للشر بنائي وللخير هدام
ماتكتسب من قربه الا النديمة
انا اشهد ان الحظ لاطاح ماقام
حكمة وأمر محيي العظام الرميمة
ماني مكلوفاً على نشر الأعلام
ماهوب شغلي شغل راع النميمة
لو مصرياً من مصر من حي الأهرام
حقه علي النية المستقيمه
من مبتدأ الأسلام وأحكام الأسلام
لاباح ظلم ولا أمر بالظليمة
لاوقفت من دون الأهداف الأقدام
أسري ولاأمسي في الديار الوخيمة
الحر لاشاف الجفاء بان له شام
مايحتمل للهون مثل البهيمة
تلقاء الكرم والجود في بيت الاكرام
وحمأ الشحيحين أبتعد من جحيمه
يخشى عفيف النفس من زاد الايتام
مال اليتيم الاحنان اليتيمه
ياللي توهقك الروابع والاوهام
ترى حصيل الحرب نصر وهزيمة
كلاً حصيلة تعرضة عرض الافلام
كلاً يميز صاحبه من خصيمه
عيوننا ياطيب الساس قدام
نسري ونسرح والنجايب مسيمه
والبلبة نوطى عليها بالاقدام
لما طمن حكي الردي في رحيمه
لاتبتهج لان عشت عاماً ورى عام
الله الكريم ولا العباد بكريمه
انشد رجال الجود في الشرق والشام
من اللي يقول اللي تقوله حريمه
بعض العلوم الطامنه مثل الاحلام
والطامنه في يد الرجال الغشيمة
ناس وصوف وجيهها جلد وعظام
فقيرة من العز كنها سقيمة
مذخورها ببطونها مثل الانعام
والمال يذخر للوجيه الحشيمه
العلم محصول الليالي والايام
والجهل ملفأ للجنون الرجيمة
حقايقاً يبصم عليها بالابهام
اللي قراها مايورم كظيمة
عبرت من بعض الروابع والاوهام
طرايفاً تقري العقول السليمة
لوترجمت لبلير عباد الاصنام
خشع ونال بها حياة كريمه
من مسلماً يمشي على نهج الاسلام
حكيم راياً من رجال حكيمه
حكامنا اللي للحرمين خدام
أسماً عظيم والمواقف عظيمه
نتلى الرسول اللي شرع هدم الاصنام
امحمد اللي سنته مستقيمه
بجاه من كبر وصلى ومن صام
تجعل مصيري للجنان النعيمه
عفوك لاصرت بثوب ابيض من الخام
تمحى خطاياي الجدد والقديمة
ليست هناك تعليقات:
إرسال تعليق