بسم الله الرحمن الرحيم
هذه القصيده الغزليه بعنوان( الا ياهّني اللي عن الحب مايدرون)
الا ياهنّي اللي عن الحب مايدرون
ولاجربوا سّلم الهوى كيف قانونه
مصدين من بلوى هوى الحب مايشكون
وحب الوفاء منه اكثر الناس مجنونه
خصوص اليا ساروا بدربً سوىً يمشون
ورسم العهد من بينهم مايخوننه
ترى الحب ياللي تجهلون الهوى بفنون
كثير من العشاق مايعرف فنونه
ابنسى الهوى لكن هل الحب ماينسون
ياخْبل من يبغى هل الحب ينسونه
يقولون لي مافي الهوى مكسبً مضمون
قليلًا من العشاق من يوصل ظنونه
وقلت اسمحوا لي مااستمع عذلكم تكفون
من اللي يطيع احكى العرب دون مظنونه
مادام خّلي باوّصله والقدم ممنون
علشانها بمشي والاقدام ممنونه
ابو خدودً تستجيز القمر باللون
وصدرً غضيض والحجاجين مقرونه
كساها الحياء والملح والمذهب المصيون
وعز الشرف ومن المناقيد مصيونه
عليها اتوجد وجّد من طال فيه الكون
ثلاثين عام بالعدد ماانبرأ كونه
اوّلا كما اللي له على تهمة المسجون
اخوانه وابوه ولابته مايزورونه
لعل الليالي البيض تسقي ظمى المكنون
ازور الحرم واطوف بالبيت وركونه
هذه القصيده الغزليه بعنوان( الا ياهّني اللي عن الحب مايدرون)
الا ياهنّي اللي عن الحب مايدرون
ولاجربوا سّلم الهوى كيف قانونه
مصدين من بلوى هوى الحب مايشكون
وحب الوفاء منه اكثر الناس مجنونه
خصوص اليا ساروا بدربً سوىً يمشون
ورسم العهد من بينهم مايخوننه
ترى الحب ياللي تجهلون الهوى بفنون
كثير من العشاق مايعرف فنونه
ابنسى الهوى لكن هل الحب ماينسون
ياخْبل من يبغى هل الحب ينسونه
يقولون لي مافي الهوى مكسبً مضمون
قليلًا من العشاق من يوصل ظنونه
وقلت اسمحوا لي مااستمع عذلكم تكفون
من اللي يطيع احكى العرب دون مظنونه
مادام خّلي باوّصله والقدم ممنون
علشانها بمشي والاقدام ممنونه
ابو خدودً تستجيز القمر باللون
وصدرً غضيض والحجاجين مقرونه
كساها الحياء والملح والمذهب المصيون
وعز الشرف ومن المناقيد مصيونه
عليها اتوجد وجّد من طال فيه الكون
ثلاثين عام بالعدد ماانبرأ كونه
اوّلا كما اللي له على تهمة المسجون
اخوانه وابوه ولابته مايزورونه
لعل الليالي البيض تسقي ظمى المكنون
ازور الحرم واطوف بالبيت وركونه
