جت بيوت الشعر من فكري ويعلنها لساني
                   للنشاما الكيف اقدم صفوته وافهق سريبه
والثناء والشكر قدر اللي على المله هداني
                    للنشاما أبدي قصيدي بسم ربي وانتهي به
ربنا الواحد الأحد ماغيره لنا رب ثاني
                   كلنا ندعوك يالله اسمع دعانا واستجيبه
في مناكب الارض في الظلمات يعلم مايكاني
                  فوق قاسية الصفاء الصماء النمل يسمع دبيبه
امدح الطيب بطيبه واذكره سر وعلاني
                   له علي رد الثناء وادعوا الكذوب الله يصيبه
والرجل طيبه بفعله باليمين وباللساني
                   والشجاعه الواجب ان تبقى على باله قريبه
والفطانه والذهانه في قسى ولالياني
                   الدهر ترتاح منه ايام وايام مريبه
النجايب ياسعد مسوا حقبهاوالبطاني
                        واشبحوا لمعة بنادقنا على كور النجيبه
اضرب فجوج الخلا والدلو تجذبه السواني
                          ياسعد من فضل ربي عندي ضلوعً صليبه
للغنايم شد وارحل من مكان الى مكاني
                              شد من حول ادحل ماينعرف ضبعه وذيبه
ابدل الديره بدار تشوف خيل بلاعناني
                         شم عن الروس الضعيفه واذكر الطيب بطيبه
بالثناء روس الرجال تصير صحبان وعواني
                         قدر صحبتها مثل رفقة نسيبً مع نسيبه
الردي لاقام للجودة صفت عشرة ثماني
                         مثل سحب الصيف غلق ماه ماسيل شعيبه
مثل بيت الفقر مامنه ظلال ولاكناني
                         مجلسً فيه المهونه خرب بيته ويش ابي به
مادرى ان الوقت يحسب بالدقائق والثواني
                       وان خسر مقدم شبابه ماتجمل في مشيبه
يحسب ان بيض الليالي كله افراح وتهاني
                       مادرى انها تذهن الغرانوالغايب تجيبه
كم فقيداً راح واسمه راح يالله المستعاني
                     اعف عنه يالله عفوك طفي نجمه في مغيبه
الرفيق اللي لامابانت الحاجه نساني
                    خله والحاجات مع دورات الايام بتجيبه
ماهو من عصبتي من صلب ابوي اغلى خواني
                     رافعاً عنه مشاريهي عسى الله لايثيبه
عن معاريفً تجيني من وراء ايديه متغاني
                    ماسقاء الظميان لاجاه الظماء الظبي بحليبه
من الغرايب مايهم امر الهدان الا الهداني
                    والعوارف من شيمها يذكر الصاحب صحيبه