تجنب عميلاً كل طيرا عليه يحوم

ماقال الحبابي جاك علما وراه علوم
           من الهاجس اللي يشعل بقلبي اشعالي
تنام العباد وطرف عيني جفاه النوم
         مقادير بعد الزود جاء النقص في حالي
على الصاحب اللي صرت من جيته محروم
       وانا غالياً ياسيف عنده وهو غالي
تقافا على جرة فريقه عجاج القوم
         على اول فتوحات علماء عصرنا الحالي
ظهر من فراق الغاليه في سماي نجوم
          على بعدها قد يمكن انه يعزالي
مقامي بهاذيل وعنا والمنام حلوم
         مادامت مداهيله مع الناس تطرالي
حبيباً بحبه صادني بين ليل ويوم
         جبينه مثل نور القمر بالسماء العالي
تربى على العفه وعز الشرف مفطوم
          تفوق بحسن اوصافها بين الاجيالي
بريد السفر مايصل كتابها المختوم
         وانا اشلون توصل له وصاتي ومرسالي
حقوقي على الطيب وقدره علي مفهوم
         وبعض العرب لانشد عن امره ولاسالي
اراء البيض كنه هلالها والبنات نجوم
          ماعرف التصور صح مدري يورالي
ماشتت نظر عيني حمام العرب والروم
             وانا اعرف مع الطيب خروجي ومدخالي
من انهان عرفه بعد عزه غشاه اللوم
              بعه بالرخيص الا درس واشتر الغالي
بع الرفقة اللي مثل قدر البصل والثوم
             لعوده جنى يقصر مع الوقت ماطالي
تجنب عميلاً كل طيراً عليه يحوم
            دعه للطيور ورح وانا اروح في فالي
لاتبرا الخفاء وتقول بيطيب يوم ويوم
             تزول الجبال وصاحب الطبع مازالي
ماظن الفريقي ينبري خده الماسوم
             دوك افريقا في خدودها الوان واشكالي
ياكم في العرب معطي وكم في العرب محروم
           ماللعبد تصريفاً تحت حكمة الوالي
متى ياحبايبنا صحيتوا وصح النوم
           عسى مايرافقكم غرابيل واهوالي
عطوها ويفرض حقها ومن يطيح يقوم
           ومن عاد ماكنه شرد لاحتماء الصالي
راع الكذب لاتغتر في لسانه المسموم
             بريد النفاق احرص لاتسمع له اقوالي
ترا الربح يقسم بيننا والعنا مقسوم
            على الشمس والا داخل الظل لامالي
تفضل معي والعيد ختمان شهر الصوم
            وانا ارفع على راسك عقالي ودسمالي