سلام يابيض النجوم وسلام يانور الهلال
               سلام يابيد الشمال اسهولها واظلالها
سلام يا غر المزون اللي مشاربها زلال
             سلام ياخظر السنين ايامها وليالها
سلام من صدق النوايا في مقر الاحتفال
                 سلام ياللي لأبداء لماجوب ترخص مالها
سلام ياروس النوادر في الجنوب وفي الشمال
                      سلام ياللي كل ماعدت يضل ظلالها
سلام يا أصحاب العزوم اللي هقاويها طوال
                         سلام ياللي تثني الميقاف عند اقوالها
والسادسة تدرون ويش الفرق بين آسماء الرجال
                 الفرق ياهل العرف بين اسماء الرجال افعالها
الفرق ياسالم مثل فرق اليمين من الشمال
                     حقايقاًالله ورسوله في كتابه قالها
اقول وتقول الرجاجيل الحمول الها جمال
                      يامطيب اللي لبرك حمولته يشتالها
لازم رفيقي لازمي لاقال يامسفر تعال
               سقت النجايب في هواء ربعي وحالي حالها
اشاركه في فرحته والروح قافيه الزوال
                       يقطع رجالاً مابدر منها حقوق ولا لها
ابني عذاب الشعر مبنيها على الجرف الهيال
                   فرايداً مثل البكار الوانها واشكالها
ياللي تصب المستكه والهيل من صفر الدلال
                مصبوبتاً مربوبتاً يجلى العمس فنجالها
عدة لمن حاش الوفاء والنعم لاجاله مجال
                       يطمح بفوز الاوله والمقبلات بفالها
اسبح بحور المعرفه واصل الين اقصا الآمال
                        اكيلها لهل العقول الواعيه واكتالها
يالله عليك امري وحيلي والعزوم والاتكال
                        ياعالم الحيلان تعلم كل نفس وحالها
عفوك لما وقفت مابين الاجابه والسؤال
                   في وحشةً يارب عفوك ماستطيع اهوالها
صلوا على اللي بيّن احكام الحرام من الحلال
                     على رسولً امته خير الملأ بااعمالها