وجودي وجد مكسوًر عظم ساقه ثلاث اقسام)


١- تعلمنا المواقف ياعبيدً للرجال احجام
                           يوّكد فَرقها بيع الطهيمي في بعارينه

٢-وجودي وجد مكسورً عظم ساقه ثلاث اقسام
                خذاه الرعب من اللي جاه واحتاروا مداوينه


٣-على اللي لا طرت لي قامت افكاري تبث اعلام
                      توكدها الحقايق والخبر تثبت براهينه

٤-فتاةً بالحلا مازونهً من راس للاقدام
                 يغطيها الجمال اليعربي باسماه وبعينه


٥-لمّا مرت علي باسناني اعضي على الابهام
               غرام الشوق في معلوقي يخالف سكاكينه


٦- ياهل تبراك لو تنسون مانسيوا هل الدمام
                 يابيضان الضماير كل دياناً ورى دينه


٧-تفرق شملنا ايام الزمان وللظروف احكام
               ويجمع شملنا عيد الفرح ماحن بناسينه


٨-لامنها هاجت الذكرى بذكرك والعباد نيام
                     تذكرت الكلام اللي على الفاقة تقولينه


٩-اوقف مستصيباً في محلي والهدف قدام
                      سواة المستصيب الي وّقف من حَر اكاوينه


١٠-ياعنق الريم معدوم الوصايف في اليمن والشام
                       حنان الشوق يازينه وهجر الشوق ياشينه


١١-تعبنا في الهوى ذا العام ماعوّض تعبنا العام
                     ترجوينا الهقاوي والحشى يبست بساتينه


١٢-لاتتعبني وترهقني ترى جسمي لحم وعظام
                   حنان الصاحب الولهان يشفع في محبينه


١٣-على ملة محمد كثر من صلى الفروض وصام
                     ياموقفنا الصحيح اني لااخون ولاتخونينه


١٤-يخّلد حبنا صدق الظنون وصرفة القسام
                     تحت سقف الوفاء اللي بينا قرت موازينه