هذه القصيده من رجل الاعمال الشاعر مسفر بن سعيد بن فرحان الحبابي في الاخ العزيز سعد بن عبدالله الفهري بمناسبة زواج ابنه الشاب راكان يلقيها عن قايلها ابنه الشبل عبدالرحمن بن مسفر بن سعيد الحبابي
_____________________________________________
بسم الله اعوذ به من كل شيطان
مازوف واشوف الاحداث المريبه
من ديرة اللي يسل السيف شامان
في الريب لاقابل الطالب طليبه
ال السعود الزمام العدل والايمان
على امه العرب ماترضى الغليبه
على الكويت اتعاقب غر الامزان
ارض الرخاء والفخر عز وهيبه
لاخوان مريم وطنها خير الاوطان
اشفق على شوفه ديرتها الحبيبة
متوجه من السعودية على شان
دعوة صحيب مايدله عن صحيبه
ياسامعين اسمعوا اش قال ابن فرحان
اللي يذم المديح الله يصيبه
مبروك يابو عبيد عرس راكان
يافخر كل قحطاني يعتزي به
يوم السنين العجاف اشكال والوان
نوادر الطيب تكسبها كسيبه
بنيت للمجد في خيطان صيوان
من الشيف روس العشاير تلتوي به
البن الهيل واجود عقر الضان
طبيعته من مشبه لي مشيبه
للمجد والجود من الاعراب خلان
والرابح اللي يحققها نصيبه
طيبك شمل يالعبيدي روس قحطان
ماقفك كل قحطاني ينتخي به
وصيت حق الوصيه سر واعلان
لين اكتمال جنبك سباع منيبه
من هاجس في خفايا سر الابدان
اوجزت علم الاجيال تحكي به
للجد وابناه واحفاده ياسلمان
نص القمر بين مبداه ومغيبه
لاسكر اللاش دون الضيف بيبان
اتجود الاجواد في ايامً صعيبه
بعض الرجاجيل عمره ماقضى شان
من ضيق شبره كما الظبي وحليبه
الكذب يهفي الذمم والصدق برهان
سيل تنحى مسيله مع شعيبه
للصدق قباره وللدهر عوان
مساعي تبعد الرجل وقريبه
وش حققت سالفه لو كان ماكان
والجرح ماله علاج الا طبيبه
والعفو لاكفنوا جسمي بالاكفان
يارب اسالك اعمالاً صليبه
يميل وزن عملي بكل ميزان
عفوك وماجت به الدنيا به الدنيا تجيبه
الفوز مله محمد نسل عدنان
اللي يصلي عليه الله يثيبه
بسم الله اعوذ به من كل شيطان
مازوف واشوف الاحداث المريبه
|
ليست هناك تعليقات:
إرسال تعليق