بيض الله وجه ابن شري ناصر بو وليد الرفيق اللي يحفظ القيم ويصونها نظره عيونه تعدي الشفاء لوهو بعيد شبحته قدام الانظار ماهي دونها بالثياب البيض نكسيه بالثوب الجديد كثر مالورقاء تكوسر صليب لحونها رتبته رتبه عقيد وهو فعله عقيد والله أنها أمانه حصلت مأمونها يثني الميقاف عند القريب والبعيد ليث غاب قدمه المعضله ياهونها مايسد اللازم الا راع الرأي السديد شوف عيني والنظر والعرب بعيونها يوم ردي الرابعه لايصيد ولايفيد هرمتاً تنطح صليب الجبل بقرونها الحجر لو باد بيض الحقايق ماتبيد كنها شمس الضحى ماتغير iiلونها شرعنا في الحق والعدل ماقلنا جحيد القصور النايفه ماتهد ركونها اقتناني وارتكى يوم جيته من بعيد ضايق بالي وبقعاء تجر شنونها قالي بنبيك والله على قولي iiشهيد أن جمال محيرقا ماتسد ديونها قلت دع حالي ورح واعطنا علمً اكيد الحنادي الهيم قامت تحد سنونها قال قال انت ابن سفران قلت لهم جحيد كلنا هل سربةً مايعالج iiكونها عاد يم ديارنا الشره من بعد المديد والنجيبه كن لون الشفق من iiلونها قال لي وين ابن فرحان مسفر بن سعيد قلت ويش اقول في حاجة تبغونها قال عطني طلبتي جعل راسك مايبيد النشاما تطلب ومثلكم يعطونها الله لايرحم ياناصر هل الشبر الزهيد من العوامل في البناء ماتطول ركونها يابن شري الباس في الراس اشد من الحديد بصمة ماتنمحي لو بغوا iiيمحونها دون رسم جدودنا لانزيد ولانعيد وان عدينا جيش سلمى تجن جنونها مايجنب من سلوم العرب غير البليد دق راسه تصفي الكبد من طاعونها مثل حماد بن محمود ابن عبد iiالحميد ابتلع ليمونة حامض ليمونها فالنهار الشمس والليل في البرد الجليد ولعت في طافي النار من iiغليونها الردي فعله مع القوم ينقص مايزيد ماجنالك ثمرة اخلاص من عرجونها مثل عرق الشري لو طال ماجاء له حصيد لاخضرت ماشدوا أهل الدبش يرعونها في الفجوج الخالية واثني الحبل الجويد والعوارف من الصبر بيحت مكنونها كم وكم من شرد الفكر كم صدت العديد ضمراً اختارها لاتبين شونها النوادر والفرايد يجي منها الفريد لاستوت وهوات ريم الخلا iiيرمونها هز فكري هز صلف الهوى هدب الجريد قوست والهوج تومي بلدن غصونها أحمد الله بين روس الرجال أرمي وأصيد شرداً بعض زعماء الشعر مايلقونها تعتزي في الطيبين أجمل أبيات القصيد خط ياكتابها والعرب يقرونها المواقف تفتخر في راع الفعل المجيد العلا خلانها دايماً يرقونها