بن هطيل رئيساً لمركز هجرة شلاح
______________________________________________________________
ياسلامي على روس الجبال المنيفة ربعنا اللي نسد النايبة في ذراها من صميم العقول ومن القلوب النظيفة ياسلامي على ربعاً جذبني نداها درع جنبي مداغيش السيوف الرهيفة عزوتي في قسى الايام ولا رخاها عز واليك يابرقاً تناشا رفيفه لمعته في سماء البيداء جذبني سناها ال سالم هل الميقاف واقرا الصحيفه الصحايف تلوح ومن كتبها قراها راسياً صفهم مثل الحجار الصفيفة من حصاة قحطان اللي صليباً حصاها عصبة الله يمنع صفهم في الكسيفه من عيون الحسود ومن شماتة عداها اجتمعنا وجيناكم نسوق العسيفة من مدينة رياض الجود واللي وراها دونكم مايعذرنا العذر والوظيفه يابني عمنا اللي كلنا في رضاها نحمد الله ان عقيد القوم خلف خليفه قدوة للرجال اللي يذري ذراها يابن حشان محمود السجايا الطريفة المخايل تلوح بروقها في سماها كم صبياً فداك يحب يسمع صريفه سبقه تحت سقف البيت تطحن رحاها فاهقته الظنون ولحيته تقل ليفه جاهلا ماعرف وجه السنين وقفاها في عيون السلاطين الثقيلة خفيفه لاغدرها الزمان ولاتضايق فضاها فالكرام الكرم مثل الديار المريفه والشحيحين قيعان تضحضح صفاها سارعي يازكاة اموالهم بالنصيفه الله يقطع وجيه ماسترها حياها مارتكى للحمول اللي عضامه نحيفه والتقاليد يكتبها الزمان ومحاها الشريفة تقدمها الرجال الشريفه اعتبر من حكمها واستمع في حكاها يامداغيش لوما في المراجل كليفه كان في السوق كلاً باعها واشتراها مايجيب الغنايم من الديار المخيفه كود من يقطع الفرجة ويجحد عناها من يبي العز يتعب في ربيعه وصيفه والمباني يمثل بنيها اللي بناها والضعيفة تقدمها اليدين الضعيفه والمراقيب من هاز المعالي رقاها مابدى في سنام المجد والجود شيفه تحت بيض النجوم المرقبه في سماها بالله ثم بالعزيمة والشداد ورديفه لاستجارت بنا العذراء سترنا عراها زغردي ياهبايب للوليف بوليفه الملأ اللي ترجى حقق الله رجاها الف مبروك ياقوم النفوس العفيفة التهاني لاهل شلاح اشيد بناها حشمةً للكبير وللصغير وحليفه من رجال الحباب لربعها وقصراها مثل عثمان ابن عفان وابو حنيفه والرجاجيل تكرمنا ونكرم لحاها فوق جرد الحماد وفي الجبال المنيفة مكرمة سيدي سلمان محداً نساها طيب قاداتنا يشفي القلوب العجيفة ادعوا الله ينصرها ويهزم عداها والنهاية ياهل خضر الغروس المحيفة اذكروا الهادي اللي امه محمد هداها |
ليست هناك تعليقات:
إرسال تعليق