ياقوم ابن سجدي سلموا لي على مكيال سوا في قرارة نجد ولا ورى iiالوادي طويل الشبور الجود ربحه وراس المال بعيد النظر شبحه ورى النير من غادي صبي الوفاء رجلا يساوي مية رجال ولد نادراً من سلسلة روس عبادي رفيع النسب مابين عماً وجد وخال هل الراية البيضاء قديمين الامجادي تزول الجبال وطيب روس العرب iiمازال بيت الجود فيه الجود في حر iiوابرادي وصوف الرجال كثيرة والرجال اشكال ماتخفى على اللي يطعم الملح في الزادي لاغنيت تجبر لي الاداب بحكم وامثال يبان ايش فرق الصنف الاصلي من العادي اصوغ الفرايد صوغة الناقض الفتال لاقمت احتمي الميقاف من كل نقادي عفاف لاجاء ماجوبها جاتني في iiالحال على غير اهلها والله انها ماتنقادي احب المعاني الهادفة والبيوت iiجزال بعكس القصيد اللي يغثرب بالاكبادي وانا لي مع اهل العرف دفتر حكم iiوامثال مع النخبة اللي في سماء الشعر روادي طرا ماطرالي من سبايب ثلاث iiليال تعذبت فيها والمخاليق رقادي انحسب الليال بالعدد والليال طوال مقابيل يثبتها هلال السماء البادي لاقلت ايش لونك قلت طيب وكيف iiالحال وين الفود والروح متقفيه iiحصادي عساها تشاد لنا السعادة على الاطلال نحج ونوادع ثالث ايام الاعيادي

ياعصاي

ياعصاي ارقي طويلات المبادي عنزي لي وازهم الهاجس واجيبه لالحقنا من عنا الايام حادي مايعنز من العصي الا الصليبة مايسد الا راع الراي iiالسدادي سيف عز عند اقاربه وصحيبه سربتةً ماتدحم الحف المعادي ذكرها بين الرجال اكبر مصيبة النمارة والذياب الها معادي في نهار او ليلة ماينسري به غاديا ياهاجسي وين انت iiغادي للديار الهيم وسباعاً منيبة الليال البيض يقفاها السوادي والزمان ايام وايام عجيبة روحت جمايل الحر الهدادي في حثايل عيبه في بطن عيبه واشطفت من وادي في بطن وادي كل طير مايحوش الا نصيبه اللهم اني نويت اسرج جوادي للشموخ اللي مراقيها تعيبة في فجوج البيد تصلني مرادي سجة في العمر نكسبها كسيبة ماقفي في حر ولا في برادي يعطي الديان حقه من طليبه واقفاً ولاعلى وسق الشدادي فالفضاء ولا على كور النجيبة كن تخيلاف البساتم في فوادي من الهجوس اللي توديه iiوتجيبه من كثر ماشفت من كيد ونكادي مااعرف مبدا هلالي من iiمغيبه ياهجوسي دقت طبول iiالطرادي دندنت والحرب نصراً او غليبه والسلامة من قريبين المعادي مكسباً ماكل رجال يجيبه

راحت طوارف لحيتي كلها شيب

يالله ياللي تعلم السر والغيب يارب اعني واسالك الاستعانة راحت طوارف لحيتي كلها شيب وماراح منها مارجع في iiمكانه النا مواجيب وعلينا مواجيب نتدان واحيانا نرد الديانة ويحي على الرجال من شقة الجيب لاطاح والا لعثر به حصانه ماهوب حب المترفات النبانيب تلع الرقاب البيض ياليل دانه يامحمد الدنيا دروس وتجاريب دوك ابن هندي وابن هدلان عانه راحت بهم الايام عجفاً محاديب محداً عطته ايام بقعاء ضمانه ترى الحرارا الشقر عكف المخاليب تشوم لاشافت مواقف الاهانه وترى النجوم الا ادبحت iiللمغايب صعبً يعوضها سهيل وزمانه حبايل الدنيا هبت روسنا شيب تاخذ ولاتسمح بمركز بنانه اكرمكم الله ياخيار المعازيب ودعتكم في حفظ ربي وامانه

هذة القصيدة قيلت في اقبال قبيلة الحباب قحطان على قبيلة ال رشيد شهران وكان شاعرهم الشاعر الكبير/ مسفر بن سعيد بن فرحان الحبابي القحطاني
اليكم نصها
________________________________________________________________

ياسلامي   عليكم   يارجال   شهراني راس  رجم  منيف  من  جبال وحيلة الوفاء   للعواني  من  سلوم  قحطاني واالنسب  والحسب ملفاه روس القبيلة لان  فروخ الحارا الها وكور ومجاني من يريد الحرار الشقر يرقى iiالطويله حن  وياكم  وشرواكم  ربوع وعواني في الامور الخفاف وفي الامور الثقيلة اتمنى   يارب   انك  تجيب  التماني عزنا   في   كنف   تكبيرة   وتهليلة

مما قاله الشاعر /مسفر بن سعيد بن فرحان الحبابي في تجارب الدنيا واختلاف نفوس الاجيال جيل بعد جيل
___________________________________________________________________________

ياصاح   راسك  للزمان  iiمحكوم وأن    عدتك   الاقدار   لاتبتليه راس  الولد  بين  القمر  والنجوم وان  راغ طاح وقام يصفق بيديه ياصاح  يقفا  البرد  حر  السموم يفرق   نهار   العيد   عما  يليله باب  المغادر  عكس  باب القدوم ماينثني   في   دربه  الا  السفيه العلم    مايخفى   رجال   السلوم والخبل    خبلاً   لاتحامت   فيه تلقى  الشجاعة  في  عيال القروم تبقى  المصارف  والجنيه الجنيه الحر   لوجار   الزمان   محشوم يبقى   ويبقى   العز   منه  وفيه يثبت   كلامي   بصمتي  بالبهوم من   صد   عنا   ماندمنا   عليه الحر    لاشاف   المهونة   يشوم البعد   يرضي   صاحباً   مانبيه اصبر   علينا  يالحصان  العزوم والصبح  يبدو  والضحي  iiيقتفيه تبغى   الحقيقة   والخبر  والعلوم ماكل     رجالاً    نشره    عليه نثني ورى الصاحب دفاع وهجوم ناقف   وزانه   مثل   وقفه  بليه بين   الرجال  اللي  تسد  اللزوم العز    لو    بارواحنا   iiنشتريه

هذة القصيدة قالها الشاعر /مسفر بن سعيد بن فرحان آل العبد الحبابي تهنئة لـ آل سالم بن معيض الحباب كافه ولأهالي هجرة شلاح خاصةً على الثقة الملكية الممنوحة لهم بتعيين الاستاذ/ محمد بن حشان
بن هطيل رئيساً لمركز هجرة شلاح
______________________________________________________________

ياسلامي  على  روس  الجبال المنيفة ربعنا   اللي  نسد  النايبة  في  ذراها من صميم العقول ومن القلوب النظيفة ياسلامي   على   ربعاً  جذبني  نداها درع  جنبي مداغيش السيوف الرهيفة عزوتي  في  قسى  الايام  ولا رخاها عز    واليك   يابرقاً   تناشا   رفيفه لمعته  في  سماء البيداء جذبني سناها ال  سالم  هل الميقاف واقرا الصحيفه الصحايف   تلوح  ومن  كتبها  قراها راسياً  صفهم  مثل  الحجار  الصفيفة من حصاة قحطان اللي صليباً حصاها عصبة  الله  يمنع  صفهم في الكسيفه من  عيون الحسود ومن شماتة iiعداها اجتمعنا    وجيناكم   نسوق   العسيفة من  مدينة رياض الجود واللي iiوراها دونكم    مايعذرنا   العذر   والوظيفه يابني   عمنا  اللي  كلنا  في  رضاها نحمد  الله  ان عقيد القوم خلف iiخليفه قدوة   للرجال   اللي   يذري   ذراها يابن  حشان  محمود  السجايا الطريفة المخايل   تلوح   بروقها  في  سماها كم  صبياً  فداك  يحب يسمع iiصريفه سبقه تحت سقف البيت تطحن رحاها فاهقته   الظنون   ولحيته   تقل  ليفه جاهلا  ماعرف  وجه  السنين iiوقفاها في   عيون  السلاطين  الثقيلة  خفيفه لاغدرها  الزمان  ولاتضايق  iiفضاها فالكرام   الكرم   مثل  الديار  المريفه والشحيحين  قيعان  تضحضح صفاها سارعي   يازكاة   اموالهم   بالنصيفه الله   يقطع   وجيه   ماسترها  حياها مارتكى  للحمول  اللي عضامه نحيفه والتقاليد    يكتبها    الزمان   ومحاها الشريفة    تقدمها   الرجال   الشريفه اعتبر  من  حكمها واستمع في حكاها يامداغيش  لوما  في  المراجل  كليفه كان  في  السوق  كلاً باعها واشتراها مايجيب  الغنايم  من  الديار  iiالمخيفه كود  من  يقطع الفرجة ويجحد عناها من يبي العز يتعب في ربيعه iiوصيفه والمباني   يمثل   بنيها   اللي   بناها والضعيفة   تقدمها   اليدين  الضعيفه والمراقيب  من  هاز  المعالي  iiرقاها مابدى  في  سنام  المجد والجود شيفه تحت  بيض النجوم المرقبه في سماها بالله   ثم   بالعزيمة  والشداد  ورديفه لاستجارت  بنا  العذراء سترنا عراها زغردي   ياهبايب   للوليف   بوليفه الملأ  اللي  ترجى  حقق  الله  رجاها الف   مبروك  ياقوم  النفوس  العفيفة التهاني   لاهل   شلاح   اشيد  iiبناها حشمةً    للكبير   وللصغير   وحليفه من  رجال  الحباب  لربعها وقصراها مثل  عثمان  ابن  عفان  وابو  حنيفه والرجاجيل   تكرمنا   ونكرم   لحاها فوق  جرد  الحماد وفي الجبال المنيفة مكرمة   سيدي   سلمان  محداً  نساها طيب  قاداتنا  يشفي  القلوب  العجيفة ادعوا   الله   ينصرها  ويهزم  عداها والنهاية ياهل خضر الغروس المحيفة اذكروا  الهادي  اللي امه محمد هداها

قلب  اللي  من  الهم  الخفي  iiامتضايق صار  في  داخل  المعلوق  هماً وضيقة من   هجوسا   تجي  بالثانية  iiوالدقايق اتعاقب     علي     بالثانية    والدقيقة تحتديني   مثل  حدي  القروم  الوسايق اتحداني   مثل   حدي  الذويبي  وسيقه وردتني   على   بير  المخاوف  موايق فوقها  تصرف  انياب  السباع  المويقه يالطبيب  المناوب  من  يطفي الحرايق شب  بين  الضلوع  العوج  كماً حريقه من الغرابيل جاني مثل ماجاء ابن شايق من  هوا  اللي  ينسون  الشقيق  بشقيقه لاجل  سود العيون اللي بها الزين لايق اتصور   نجوم   الليل  شمس  الحقيقه من  يودي  العلوم  ومن  يجي بالحقايق انقضى  الحال وجروح الضمائر عميقه لي  متى في سماء الفرحه نوزع بطايق فرحة   تقتضي   فوز  العشيق  بعشيقه شفتها    العام   بلباساً   سخافاً   رقايق ياعناء  الحال ياروض الصدور المويقه رحت  منها  على  ذمة  سروق  وبايق تزرع   الحقد   وحبال   المودة   وثيقه دام  ماعاقني  من  عايق  الوقت  عايق ماعلي   من   غراب  الرافدين  ونعيقه لوتعذبت    ماضيعت   بين   iiالطرايق مقدم   القوم   ماتخلف  طريقي  طريقه فٌرس  الخيل  ماتحسب  حساب العلايق ماتقص    العراقيب    اليدين   الطليقه كانكم    ياعباد    الله   تبون   الحقايق يشهد   الله  علي  ماقلت  غير  الحقيقة