مجاره للشاعر / عبدالرحمن بن مريط الشهراني

نحمد الله كلنا شعب مارحنا شعب     **    من صفات المشرب العذب نشرب بالقلاص 

ياابن عبدالخالق اهلين وابشر بالشبب   **    الشحم والبن والهيل وانواع الخلاص 

لو تضيع العين ماضاعت حقوق الشنب    **   بين روس القوم لاجاء  للافكار اختباص

الحصيل يبان مع كل رجالاً كسب    **   والهوان وفرك اليدين من حظ الطلاص   

كم صبياً غالبً امس واليوم انغلب      **    كل ماقابل بوجهه وجيه القوم حاص 

الفخر ينساق  للشره  محمود النسب     **    والصغاير تنعطى للطفاص من اطفاص  

 لو عطوني من الدنانير وكنوز  الذهب   **   ماحبست النفس للهون ياسالم حلاص

اعرف بالعين وجه الحليم لاغضب   **      مثل وجه اللي دفع في الهوندا جيب شاص 

يبس حالي من التماني مثل عود الحطب  **   كل يوماً بادياً بانتقاص في انتقاص 

الحقائق ياهل المعرفه ماتنحجب     **      والسوالف مثل ممشا الديار لها مقاص 

بعدنا من سايده بعد سلمى من حلب **      يامسيرة البوابير باص بعد باص  

  

الله محلى راحت النفس من بعد التعب    **   في بقيعاً ماتقفص على الشوف انقفاص  

روحت في شهر شعبان مدري في رجب   **  في نحرها من الدرر عقد لولو وعقد ماص

       من فرايد الشاعر المعروف / مسفر بن سعيد بن فرحان الحبابي 

                                      الله وأكبر ياحمام الورق جددت الجروح

يالجتي لجــة حماماً في الفضاء العالي ينوح       **      على شماريـــخ الغروس اللـــي تميل اغصانهــا 

الله وأكبر ياحمـــام الــــورق جــددت الجروح      **    تزعزعت ذكرائي وهجوسي حضر شيطانها

ماعاد افكر في النهار يــروح ولا ما يــــروح        **     ابحرت في اعمــاق البحار وجبت لــك مرجانها

وان روحتني في عروش البيد شيدت الصروح     **      واجيب لك عوص المهار أقودهــا بارســانها

عزيمتي ترقـــي معالي برج ايفـــل للسطوح      **     بين النجوم اللي سمـــاء الدنيا مــدار اكيانها 

الله من قلباً هواجيسه من الضيقة تفوح      **     أزريت من ناســـاً تنام اعقولـــــها واذهانهــا

الــــــروح لمـــا راحــــت ايام الســـوالف والمزوح    **    بــــاح العــــزاء والنـــــــود لاهبت تزيد احزانــــها 

شهب الليال الســود مافيها غبوق ولاصبــوح     **    عجف الظهور الله يعــدل ميلــها باحســـانها

الله لايجـــــعل محاصلي على الكــف الشحوح   **  ياقاضي الحاجات تعطي كل نفساً شـــأنها 

اطمــح لتحقيق العلــى ويسوقني شوق الطموح   **   داخل كنين العاطفه ماتنطفي نيرانها 

الدانة اللي من عفاف الغيد قاصــرة الشبوح   **   البال من صدق النوايا ماقدر نسيانها 

حشيمة المقدار من هرج التغطلس والمزوح    **   تموت خلان المعالي في ســـواد أعيانها 

امن الحصانـــة والمزاء ماتهـــرج الابالوضوح   **   مصيونة من حسنها تفخر بفعل اخوانها 

ياســاجعات الورق نـــور البدر في طرفي يلوح  **  أمانيـــاً ذروة دعـــــائي المستجــــــاب اثمانها 

                                 الشيخ / مسفر بن سعيد القحطاني 

الايامرحبا ترحيبة الغالين بالغالين               طريف الذوق حتى في ًمنام الله اهلي به 

احسباً انه تعلى عرش قلبي بين حين وحين        يغاب البدر في مرساه ماغبيت مضاريبه 

شربنا وارتوينا من عنا سبق رموش العين          قضت مابقي لي من حيلتي لفه وتجنيبه 

طعني بين شريان الضمائر طعنة السكين          لو تزول الجبال السود مازالت مضاريبه 

هبلني بالجديل اللي ترف النحر صفين             يصوب كل من شافه ورحت اول مصاويبه 

ومعسول الى منه عطا الهرجه هرج ببزين        يذوب القلب من المعلوق فيه وفي تعاجيبه

يميل معا الردايف كل ما ملت يسار يمين             هني اهل القلوب اللي تهزاعه متدريبه 

اروح الى طرالي معاد ادري وين رايح وين           الى منه طرالي كني اسمع صايح الريبه

يخفي ضامري ماودي ان بعض العلوم تبــين            تعبت ولا لقيت اللي يودي العلم ويجيبه 

تعبت من اليالي السايده والحين بعد الحين             ياوين المسجد اللي ابوه واعمامه تصليبه  

اصلي وطلب الله وادعيِ ياسمع الداعين            يارب اللي دعاك اسالك حقق له مطاليبه

البارحه بالليل سريت مع الافكار                            اتابع الونات من ضيقتن في البال  

مابين حط وشيل في مقدم المشوار                       ازريت من الحسرات ياسيف كمل الحال 

متى يبان سهيل يارب ياستار                                     اتحقق الدعوات ويحلها الحلال 

جهزت جيش وخيل من الشوق تطلب ثار                     اتواصل الغارات في الحل والترحال 

ايش الكنين ايشيل جعل الفلك يندار                يحجب هواء الشمات واصحاب قيل وقال 

كم قاد راس شعيل من صادق وبوار                               زباين الغلطات ماتفي المكيال 

خلان قال وقيل  اشبورهم قصار                          ماتوصل الهقوات لاصك جال الجال 

والله مايرضي الميل كن خايناً غدار                             مواقف الشدات تبين الرجال 

يازين قل الحيل معادبه معذار                                  راح العلوم وجات باجابه وسؤال

يقفى السحاب السيل عطني حقوق الجار                   يامبرك الحزات ياحزت الموال 

الصدق يفي الكيل في كل قطر ودار                     مره عشر مرات روح انشد العقال 

شبح العيون يخيل سماك من البرار                  يوم حب غيرك زال حبك وقدرك طال

يا ونتي بالحيل ياللول والمحار                                       هزايم الونات ربحي وراس المال  

                                     ماسكه مسكة دماء الابل في بطون الحلم 

الرفيق اللي مايفرق وجوده من العدم        **  والله ان الاقراب لامات ماتبكي عليه 

الحياة ايام والعز اخير من الندم             **    يامقابيل الليالي روحيله خبريه 

يرتفع مجد النشاما على روس القمم        **   والردي عقله صغير مثل عقل السفيه 

الردي بيته لماقلت بيقوم انهدم              **     جعل خلان المزا في الوزى ماترتجيه 

ايش مالا في المواجيب مايبري الذمم       **         ماخرج منه لاقيمة ريال ولاجنيه

ماسكه مسكة دماء الابل في بطون الحلم    **   من شديد الحرص في داخله سكر عليه

ماتضيع انظارنا في غرانيق السلم             **   انحسب رجلاً ورجال مايحسب عليه 

الرجال اتقول الاكرام من بيت الكرم   **   من عطاها لقيها عند بيضان الوجيه 

الوجاهة في الرجاجيل من كبر الشيم    **  يستمد الوجه والجاه في الرجل الوجيه 

من بنى الرايه على روس عاليه القمم       **  الله يمهل في حياته ويرحم والديه 

                                  ياصاح راسك للزمـــان محكوم 

ياصاح راسك للزمان محكوم        **     وأن عدتك الاقدار لاتبتليــه

راس الولــد بين القمر والنجوم       **     وان راغ طاح وقام يصفق بيديه

ياصاح يقفا البرد حـــر السموم      **    يفرق نهار العيد عمـــا يليه

باب المغادر عكس باب القدوم     **    ماينثني في دربه الا السفيه

العلم مـــايخفى رجال السلوم      **    والخبل خبلاً لاتحامدت فيه 

تلقئ الشجاعة في عيال القروم    **  تبقى المصارف والجنيه الجنيه

الحر لو جــــار الزمان محشوم    **   يبقى ويبقى العز منه وفيه

 يثبت كلامي بـصمتي بالبهوم   **   من صد عنــا ماندمنا عليــه 

الحــر لاشاف المهونة يـــشوم     **   البعد يرضـــي صاحباً مانبيه

اصبر علينا يالحصان العزوم   **    والصبح يبدو والضحى يقتفيه 

تبغى الحقيقة والخبر والعلوم    **   ماكل رجــــــالاً نشره عليه 

نثني ورى الصاحــب دفاع وهجوم    **   ناقف وزانه مثل وقفه بليـه 

بين الرجال اللي تسد اللــــزوم      **    العـــز لـــو بارواحنــا نشتريه 

مجاره لما اورده الشاعر / مبارك بن باكور  

ياوجودي وجد من ضيع القبله  **   في دياراً مادرى وينهو ساري

اوجود اللي سقط في نهر دجلة   **   من ثلاث سنين يبراله الباري

اوجود اللي كسر من  عظم رجله   **  بين عدواناً على كسرة تثاري

اوجود اللي شكا الخوف من نجله   **    وارداً حبل الدرك والجسد عاري 

اوجود اللي فقد سمعه الطبله    **    والبلد سوري وتركي وبنغاري 

افتقد سمعه والاعراب تطرب له    **   في صحيحين ابن تيماء والابخاري 

ونت اللي شاف فرقاء خيار ابله     **   احتدوها القوم قدام الاسحاري

في هواء اللي كن سماء النور يوهب له    **   كل حساداً على شهرته زاري

اه يوم عرض علي في اصبعه دبله    **   لو طفت نار العرب ماطفت ناري 

الخيال اللي ركد وانتثر وابله  **    جعل يسقي ديرة الشوق ياساري

في فجاج شرشره زاف والربله **   كل راعي ذود عن صالحه داري 

حلوة المنطوق ووصوفها قبله **      مايخليها المزاء تسمع الطاري 

دام ميصال الرجاء مانقطع حبله ** برتجي رجوى بعيدين الاسفاري 

في وصاله يتعب الحر ابو سبله ** عيدهيً في  بعيد الدير ضاري 

هاوياً كم عاشق بعده وقبله ** في سما قيس الملوح والانصاري 

ما يجوز من الهواء الا قلب الابله ** مادراء وش فايدةً بايع وشاري 

 

         من فرايد الشاعر المعروف / مسفر بن سعيد بن فرحان الحبابي 

                                     يافيصل يقولون العرب من نشد ماضاع 

يافيصل يقولون العرب من نشد ماضــــاع    **   علوم الدير واسرارها عنـــد أهاليهـــــا 

حدود أرض ربي واسعة والفجوج وساع      **   وبيض النجوم يدلها اللي يراعيهــــا 

تجنب دّيـــــار الوقت لاذكرلك مرباع     **   سوق الراحــلة والروح في حكم باريها 

دروب العدود الراسية في الثرى شراع      **   ورقش الثمـــادة بيناتـــاً مواريـــها 

لاشكيت فـارجع دمت تقدر على المرجاع    **   ياطيب العيون اللـــي نظرها يقديها 

تجهز لعسرات النوايا بكـمً بـــاع      **    قصار الرشي ماطولت وجه راعيها

لاتحجب ظنونك بين كبد السماء والقاع    ** رجال السعــد تفخر بتحقيق امانيها 

ترى السيل يمشي في قفاء البارق اللماع     **   وداراً مطرهـــا سحب ماســـــال واديها 

صدق من يقول ان العبر والرجال انواع     **   تقاليد حاضرها يخالـــف لماضيها 

هل المجمعة وسدير تحسب على الاصباع    **   يم الروؤس روسهــا فوق رجليها 

راع الطّيبة لاسيمت الطيبة مابــــاع     **   مكاسيب بايعـــها نــــــواميس شاريها 

من اكتالها بالمـــد يكتالها بالــــصاع     **   فحول الرجــــال اللي تاخذها وتعطيها 

تحوم الصقور الحايمة والذيــــاب جواع    **   ثمــان وراء عشر وعشاءها يغديها 

يازين خل المــوده قيمــتــن وحســـاب                   حتى بعيد الهدف ترميه وتصيـبه

الحب ماهو سوالف ضحكتاً والعاب                   في الاول اعرف واصوله قبل تمشيبه 

انا اعرف صحبت الصادق من الكذاب               والبدر اعرف لظهوره من مغاييبة 

الحب سل خافا من صوّبه مطـــــــــاب                       والحب اشاره دليل دروبه تعيبه 

والله ماعاتبك ولااريد منك اعتاب               مادام تجهل قوانينه واساليبــه 

لا ضعت فالعرف فا انشد ويش قال حجاب         يقول مايندم الطيب على الطيبه 

أنـا اشهد ان المفارق فارساً غــــــلاب                     هزايم الوقت تقبل به وتقفي به 

عزايمي والنوايا تبدي المرقاب                       شبحي طويل الرجوم ارقاه وابديبه 

أنـا ادري ان لك هواء والكل معه احباب           الصدق تقبل به الايام وتجيبه 

الحب شيب بمعلوقي وراسي شاب                      اشكي عنا الحب واوكد تجاريبه 

تبراء الاوادم وحالي باقي ماطاب                      يغلب على الربح ظن الشك والريبه 

أنـا اعرف مخرجي في الحب والمكساب                 ماكل ماغنت الورقاء نغنيبه  

ما بين الاصحاب ويش اتكون من الاعراب          يا مطيب اللي الوفاء الصادق يماريبه